關閉

BB滿月了,好奇怪 – MammyDaddy

 

BB滿月了,好奇怪 – MammyDaddy

我兩公婆有請陪月,姨姨湊得佢好好,唔係佢我倆個一定攪個B唔掂,但最近兩個禮拜開始成日有問題: 1)夜晚有時喊就算抱佢嗬佢都唔收聲,佢嗰種唔算係喊係狂叫,有時用奶咀會收聲有時都唔得!佢狂喊真係冇甚麼方法可以令佢收聲,係咪要忍心等佢喊到倦自己收聲?2)日間姨姨餵佢食奶係冇問題既,但姨姨收左工到夜晚我地餵就開著眼唔食,要湊佢睡著先會食,但好多時佢就算好倦都唔肯瞓!我地好耐未試過佢係會開著眼食奶!3)BB好醒瞓,通常個零鐘就開始醒,佢瞓緊個口會發好多聲同鬱手鬱腳正唔正常?我兩個呢兩個禮拜真係身心疲累,我開始擔心因為覺得老婆開始有點忟憎唔知唔會變抑鬱,有經驗的請給點湊仔心得幫我們!3)瞓一陣就醒,對於初生B黎講有好多B都會係咁既, 因為佢地而家要學習去適應呢個世界,唔同BB係MAMI肚時咁舒服寧靜,咁就會好易醒,比多D時間佢適應喇, 而佢發出好多聲迫同鬱手鬱腳,遲下大D就會唔會架喇樓主唔洗咁擔心,有部份bb都有既情形 我個仔都係咁,到左3個月, 情況就好好多喇. 你有時間既話,搵人幫你地睇住BB 同太太去行下街食餐飯咁 可以放鬆心情 對大家同對湊B都會好好多 kellyly1211意見: 1) 頭3個月既BB係好易會肚仔痛,咩原因就唔知, 而且夜晚先肚痛唔奇, 我大仔當年隻係夜晚肚痛,日頭佢就無事2) 哈哈呢個就無法喇,你地試多D唔同既姿勢 我/老公/我媽/奶奶,我地就算望落姿勢一樣,但佢地個個都搞唔掂我細仔, 因為細仔係要我餵佢至唔扭食奶3) 慢慢黎BB仲細係咁架喇 stevie1意見: 嘗試多些掃風, 及用手掌打圈按摩肚子. 亦可以試下喺bb瞓之前播一些音樂. evamuffy意見: 樓主, 首先恭喜你bb滿月, 我仔仔都剛剛滿月呀! 我係全職媽咪, 24小時日夜間都係我負責, 你bb既問題我仔仔都有發生.其實大家都答得對, 係肚風, 我問過醫生, 佢話係正常既, 無可避免, 我仔仔日頭都好乖嫁! 係夜晚先咁! 喊到割雞…慢慢黎, 做爸媽既, 呢d就係我地既經歷, 同仔仔一齊學習! 到3個月就會無事. 以前d人應該係用肥仔水解決呢個問題, 但香港禁左, 醫生都話其實無乜用, 係大人心理作用覺得用左好d.餵奶方法如果bb之前掃風掃唔哂, 個肚重有氣, 佢會不停喊因為想飲奶但吞唔到, 你要忍心唔餵住掃左風先!鬱手鬱腳好正常, 我仔仔鬱得好勁嫁! 其實佢地隻係未識控製自己手腳所以咪亂鬱囉, 同小朋友扭計喺地跳一樣, 隻不過係識企同唔識企分別! 放心! 我地一齊努力! 唔好自己嚇自己, 做媽媽既我, 最需要老公既時候係夜晚bb扭計, 如果見到老公理都唔理下, 一次都唔起身, 日日係咁, 會好氣餒! solomandy意見: bb狂喊係唔係日日都差不多時間 ? 如果係 , 宜d叫百日哭 , 你去健康院 , 有本好厚既書仔比你 , 你有睇就會知 , 另外你都可以上網serch 下 , 宜d係好普通! bb唔食奶 , 可能掃風掃得唔夠! “long”住個胃 , 所以食唔到奶囉 ! bb醒瞓, 用包被毛巾包實會好d架! bb瞓緊個口會發好多聲同鬱手鬱腳, 依d都好正常 , 唔駛太擔心 !! whlkpc意見: 用包被包到實係有點用的,昨晚冇咁醒瞓,唔鬱手鬱腳又冇咁易醒,我地都可以瞓多D! raymond1313意見: 試下在BB房日夜不停長開收音機.習慣有聲音. 到夜間靜有雜聲都不易嚇醒.希望這方法幫到你 griffon12345意見: 1. 其實無乜問題, 有d BB係咁, 唔駛咁緊張.2. 如果你試過跟番姨姨個姿勢都係唔得, 能係環境問題, 有機會係燈光, 會唔會你地抱佢時D燈光成日射住佢? 咁呢個時間BB對光會好敏感, 所以唔肯食奶. (註 : 可能對第一點都有影響)同埋樓主話隔離屋個鄰居好嘈, 都可能有影響, BB早上習慣左咁嘈, 咁夜晚無聲佢會唔慣, 留意下關唔關事(試諗下, 佢日頭次次起身都聽到隔離屋D怪聲, 人聲, 但一到夜晚就無灑, BB仔未必適應到) (同埋有D BB仔好鍾意有”人氣”架地方, 有聲音嘈嘈下可能你個B會鍾意D都唔出奇)3. 完全無問題, 個個BB都係咁.


文章來源:BB滿月了,好奇怪